【本報訊】旺角街頭不時有人表演音樂，網上流傳一段短片有三名街童怒踢表演者的結他，並打爛結他後離去，拍攝者表示已報警。網民鬧爆街童所為，希望三人早日落網，揚言「立即全港通緝！」
短片名為「可恥！旺角街頭表演者被街童欺凌」，片長四十五秒，拍攝者「peacejpl001」將短片上載到YouTube，並說：「見到真係好憤怒！原本想影下佢表演，點知畀我見到呢班街童！依家係咪喺街表演音樂都無自由，咁多過路人都無人幫手，連做個音樂人的尊嚴都無。大家睇天與地，又話點rock點rock，依家人哋一個band仔喺街邊畀人蝦，又無人幫手！香港係咪搞創作搞音樂都無空間……This city is dying……」
其他網民回應說：「睇完真係好嬲，睇唔過眼點解依家啲人會咁？希望可以快啲拉到呢三條友！」、「見到表演者同結他嘅靈魂喺度喊緊……人哋練結他付出咗好多努力同心機，出嚟表演要好大勇氣，唔鍾意咪唔好睇囉，三個恰一個好威咩？」