街市連爆刑毀冇眼睇

無法錄影 檔主不滿

粉嶺聯和墟街市有檔位早前被淋紅油，估計損失逾萬元。為了解事件經過，店主鍾先生要求翻閱閉路電視，食環署竟指附近兩部閉路電視皆告損壞，無法錄影，令鍾大為不滿，「食環署負責管理，點知佢哋竟然叫我自己問機電工程署、外判管理公司同保安公司，將我耍嚟耍去！」鍾先生指早在○九年租用檔位時，已就閉路電視設置及維修問題投訴，他說：「我啱啱入場嗰陣已經講過，啲機影唔到嘢又成日壞，咁耐都未整好，真係離譜！」

無獨有偶，位於街市同層的香燭店店主潘先生亦指街市閉路電視「有等於冇」，即使附近店舖曾多次發生毀壞及偷竊，皆未能錄得事件經過，「早一、兩年新年前都有人入嚟放火燒我哋啲紙紮嘢，前排我舖頭個DVD機又畀人偷咗，次次都話影唔到人，都唔知啲閉路電視安（裝）嚟做咩？」

另一檔戶潘先生指檔位過去曾被盜竊及縱火，但閉路電視皆未能攝錄經過。	現場仍遺留紅油痕迹，但兇徒已逃之夭夭。	事件中有不少貨品被毀，估計損失逾萬元。

「呢幾年關於街市管理嘅投訴已經多到數唔晒，食環署都仲唔改善，絕對係失職！」立法會議員王國興指街市現有閉路電視系統落後，促盡快更新擺放位置及推行數碼化攝錄系統，「明知依家個位影唔到嘢，仲要啲系統咁舊，就應該快啲換啦！」

當區區議員羅世恩不滿食環署與機電署互相卸責，令租戶蒙受損失，「壞機本身係小問題，唔明點解兩個部門咁都要推嚟推去，出咗事又唔諗辦法解決！」羅促兩部門盡快修正問題，確保檔戶及市民性命財產安全。

機件老化 拖延更新

食環署發言人承認，街市其中兩部閉路電視今年八月初被發現不能正常運作，已即時通知機電署修理，並提醒外判承辦商加強巡邏。

機電工程署則稱，涉事攝影機因電線損壞及機件老化故障，已即時安排更換零件，惟零件缺貨延遲維修。發言人又指，由○九年至今共接獲十二次故障報告，將進行全面更新。

警方發言人證實，○九年至今上址共接獲六宗盜竊案及兩宗刑事毀壞案投訴，全部未有人被捕。