上周六演藝學院傳來一陣陣悅耳歌聲，配以閃爍燈飾、瑰麗晚裝再加上妙漫舞姿，驟眼睇仲以為去咗聖誕舞會添，原來係演藝學院友誼社舉行籌款晚會，善款將用作成立獎學金。大會今年以《幻想之旅》做主題，仲搵來外號「ＡＯ歌王」嘅民政事務局常秘楊立門及投資銀行董事總經理長谷川留子開金口獻唱經典名曲，令台下觀眾聽出耳油。當晚嘉賓仲有協成行董事總經理方文雄、商務及經濟發展局局長蘇錦樑等，個個打煲呔西裝骨骨，執到正一正，相當隆重。