市民登高祭祖聊表孝心，卻被失修石地絆倒受傷！張小姐早前到粉嶺和合石墳場福建園的基督教墓地拜祭親人，卻不慎於墓地凹凸不平的行人路上跌倒受傷。張指上址已失修多時，不但有深坑，更有人於路上鋪上棺木蓋以便行走，「其實上幾次嚟已經見到啲路愈嚟愈爛，諗住佢哋節日前應該點都會執一執，點知都係冇，結果就跌傷咗！」
食環署發言人表示，上址曾於二○○九年進行修葺，接獲本報反映後到上址巡查，發現有裂縫，已通知建築署維修，並安排清理棄置的棺木木板。
「要等市民受咗傷、出到聲先肯去修路，你話有冇搞錯！」張小姐直指食環署疏忽，未有主動巡查及維修轄下設施，罔顧市民安全，坦言會追究到底，「冇諗過去拜山都會跌到咁傷，我唔希望有其他市民再受害，希望食環署好好檢討吓！」