因應有僱主反映新聘外傭唔習慣本港生活及風俗，導致僱傭雙方難以相處，新民黨立法會議員葉劉淑儀尋日就喺立法會上，要求政府考慮喺僱傭合約加入試用期條款，讓僱傭雙方盡早解除合約。不過，勞工及福利局局長張建宗就話，訂立試用期問題複雜，更形容係「雙刃刀」，事關喺試用期內提前解約會為僱主帶來不便外，外傭亦憂慮隨時被解約，所以要小心被濫用，而且要諮詢各持份者喎。
