追罰款唔查地址 港鐵累無辜

郭小姐（化名）在現有居所已住上五年，今年三月突接獲港鐵追收罰款信件，收件人為一名黃姓人士，因郭並不認識收件人，故在信封寫上「無此人」後，便將信件由大廈管理處代為處理，但自此誤寄信件仍不斷寄至，包括法庭來函，郭均一一註明沒此人居住後寄回。

「驚到心都跳埋出嚟」

未料事件仍有下文，今年九月中突有便衣警員上門尋人，指黃姓人士乘搭輕鐵時未能出示有效單程車票，遭港鐵檢控，因拖欠罰款而被通緝。郭小姐憶述時仍猶有餘悸：「無喇喇有警察拍門，真係驚到心都跳埋出嚟！我係良好市民，畀鄰居見到一定以為我犯法做壞事！」郭坦言對港鐵處理手法深表失望，「檢控咁重要嘅嘢都可以搞錯！真係離晒譜！」

本報就事件向港鐵了解，港鐵以「不評論個別事件」為由未有正面答覆，只解釋在一般執法程序下，職員會要求違反港鐵附例人士提供姓名、住址及身份證明文件等資料，以作跟進；若違例乘客拒絕合作，港鐵可經法庭及警方處理。

郭小姐狠斥港鐵未有承擔責任，要良民承受苦果，「佢（港鐵）同冇回應過有咩分別？問題係港鐵有冇核實過啲資料，確認地址冇錯？如果個個都亂寫地址，咁會有幾多無辜市民受影響？」

「不評論就算 真係惡」

立法會議員王國興斥港鐵回應官僚，「收到市民投訴點都應該查清楚件事，一句『不評論個別事件』就算，真係夠晒惡！」王國興認為，港鐵有責任核實資料是否無誤，而非草率處理，「可能違規乘客提供資料嘅時候報咗假地址，但港鐵事後都要盡一切辦法確認資料，唔應該未核實資料就隨便將行動升級，咁樣係不負責任嘅行為！」

民間監管公共事業聯委會發言人蔡耀昌認為，港鐵為公營機構，附例具法律效用，港鐵可參考政府其他執法部門處理違規人士資料做法，相信能避免同類事件再次發生，「警察捉人亂過馬路，同埋食環捉人亂拋垃圾，呢啲都係冇辦法即時查證資料，但係部門一定有一套機制核實，港鐵可以參考吓。」

記者：陳倩儀