家長批精英制衍生歧視

功課艱深 父母都唔識

據了解，該校實行精英制，二年級開始按學生成績分為四班，D班為成績最好的精英班，最後是A班。家長湯先生稱：「呢間係band 1學校，好重視成績！」他不滿學校實行精英制，間接將學生做比較，坦言：「咁樣分班會令小朋友互相比較，甚至有歧視。」他指學校功課既多又深，令學生感到吃力，並說：「功課好深唔易做，有時連我都要上網查資料先識教囝囝。」

湯續稱，兒子日常功課很忙，根本無時間休息玩耍，稍後將向家教會反映，並說：「我教仔要求唔高，就算考試考得唔好，都唔敢畀壓力佢，只會教佢積極面對，始終人生仲有好多考試。」

他得悉有學童自殺感到很不開心，慨嘆：「講真小朋友咁細個，處理壓力嘅能力有幾大？現行教育制度只重視成績令人好心淡，搞到下一代咁辛苦為咩呢？」

另一名家長董太指，該校大部分學生放學後都會到補習社做功課，坦言：「好似我個女咁，每日放學去補習，返到屋企食完飯就繼續溫習，無辦法啦，大勢所趨，我怕萬一放鬆咗追唔上呀！」

該校校長劉惠明回應時稱，該校功課不算多，通常每天約有四科共八項功課，若學生專心做功課，兩小時便可以完成。