鐵騎撼柱「炮彈飛人」折頸亡
【本報訊】辣車鐵騎士變「炮彈飛人」喪命。該名鐵騎士昨駕駛電單車沿石崗荃錦公路上斜掟彎時，衝過對面線狂撼燈柱，他飛彈十米外，頸骨折斷當場慘死，家人到場路祭，跪屍痛哭，泣叫：「我都叫你（死者）唔好考（駕駛執照）架啦，你係都要考……」。
親友路祭哭斷腸
死者二十歲，昨晚近八時，他駕駛與「烈火戰車」同系列的本田NSR250R電單車，由石崗沿荃錦公路上山，駛向荃灣，當駛至近「英雄亭」越過一個「S」彎時，電單車突然失控向左剷過對面線，狂撼行人路邊一支燈柱。因撞擊力異常猛烈，人車即時分離，他飛拋十米外，彈回往荃灣方向行車線上，重傷倒臥地上，奄奄一息，所戴開面頭盔飛脫，至於電單車則衝前二十多米翻側，其他途經駕車者見發生車禍，立即報警。
救護員趕抵，檢查發現死者頸骨折斷，已經死亡，毋須送院。電單車車身損毀，燈柱旁地上遺有電單車因撞擊留下的機件碎片。據悉，他所駕電單車是向朋友借用。事發後，死者數名親人包括兄長及胞姊，到場路祭，場面悽酸。警方正調查肇事原因。