有疑似特首候選人早前出席鄉議局村代表大會時，大開選舉期票話可以考慮放寬村屋高度限制，畀啲原居民起高幾層，冧到班鄉紳笑騎騎。發展局局長林鄭月娥尋日就高調反駁，話如果畀啲原居民亂咁起村屋，會影響其他居民嘅住屋需要及非住宅用途樓宇嘅土地供應，又強調高過四層嘅嚴重僭建村屋，當局一定會嚴厲執法，咁講等於火燒疑似候選人啲期票，明摑佢哋一巴。
