政情:中環出更:鄧永鏘笑愛德華王子禿頭

最近香港貴氣十足,事關英國皇室嘅安德魯王子及愛德華王子,前後腳到訪香江。尋晚愛德華王子現身中環中國會,參加老友鄧永鏘(David)爵士為佢而設嘅私人晚宴。卓妮問風趣幽默嘅David,愛德華王子至愛食中國會乜嘢菜式?佢不假思索話:「春卷!」仲話光頭嘅人係鍾意食春卷喎。點解?點知佢搞爛Gag笑稱:「冇法(髮)啦!」

David咁大膽取笑愛德華王子稀疏嘅頭髮已唔係第一次,印證兩人嘅情誼確係好深厚。王子今晚將出席喺會展舉行嘅香港青年獎勵計劃(AYP)五十周年慈善晚宴。身為AYP理事會主席嘅陳仲尼(Rock),尋晚都同愛德華王子前後腳現身晚宴。

慈善派對籌備數月

愛德華王子一向都好支持香港青年事務,曾經唔止一次專程來港出席籌款活動。為咗今晚嘅盛大晚宴,阿Rock同周大福集團第三代接班人鄭志剛已經忙咗幾個月,希望今晚慈善派對可以盡善盡美。

「Money18免費即秒股票報價網站」現推出8升級功能,財經資訊,實時實發!