原本不足十分鐘的班次竟需等候一句鐘，令上班族怒火中燒！謝小姐日前曾在早上八時十分於港鐵藍田站等候九巴15號線往紅磡上班，但等候半小時才有一輛15號巴士經過，但巴士因客滿未有埋站。直至九時十七分才能登上另一班車，令謝十分氣憤，「明明話每隔八至九分鐘有一班車，但就足足等咗一個鐘先上到車，搞到我遲大到，九巴點解成日都有班次問題？」
九巴發言人解釋，當日上午紅磡機利士南路近蕪湖街發生交通意外，導致機利士南路一帶交通阻塞，影響15號線的班次服務，站長亦須臨時調整班次。
不過，謝小姐卻對九巴的回覆大表不滿，更指巴士班次失準已非首次，「15號巴士繁忙時間都成日失準，有意外嗰日只係特別耐，九巴應該檢討吓啲班次安排！」