中環出更：城大邵逸夫創意媒體中心開幕

志雲李寶安合照冇尷尬

現身嘅名人有邵氏基金會主席「六嬸」方逸華、城大校董會主席柯清輝、校長郭位、城大副監督梁乃鵬等人，仲有創意媒體中心設計師Daniel Libeskind。公開不咬弦嘅無綫電視總經理李寶安、廣播業務總經理陳志雲同場現身，但兩人合照都冇尷尬。啱啱贏咗爭產官司嘅華懋集團執行董事龔中心、前行政會議成員羅仲榮、品牌發展局主席陳淑玲等人都嚟撐場。

值得一提嘅係，開幕式請來蜚聲國際嘅日本清水靖晃色士風五重奏，五名樂手分散喺唔同樓層露台盡情演奏，一首首醉人嘅樂曲響徹山頭，吸引好多人企喺路邊仰望聆聽，好有外國與眾同樂嘅街頭表演感覺，好正！

邵逸夫創意媒體中心正式開幕。

陳志雲（左）與李寶安大方合照。