街市公廁滲水折騰商戶10年
食物環境衞生署「自己人不查自己人」，令小商戶無端飽受滲漏困擾！商舖受上層的街市公廁滲水影響近十年，既負責街市管理、又為處理滲水主責部門的食環署竟撒手不管，更與屋宇署互相推卸責任，直至本報轉介後始承諾維修防水層，做法備受批評。立法會議員直斥事件「離譜」，擔心公廁滲水或對環境衞生構成嚴重影響，促食環署必須負責治理問題。
「樓上個廁所成日漏水，搞到做唔到生意！」陳先生於○二年租用元朗現有地舖經營時裝及美容院，地下及閣樓均擺放大批衣服及美容器材，而舖位樓上正是食環署街市男廁所在位置，但租用未幾即出現滲水問題，多年來已因此損失慘重。
「我同食環署投訴過好多次，佢哋淨係搵人上嚟影咗相就算，一路都冇做過嘢！」為減低滲水對生意造成的影響，陳特於天花裝設多個鐵盆以盛載污水，並以喉管排走污水，惟當滲水情況嚴重時，污水即傾盆而下，「我試過朝早一返到嚟就見到啲水漏到成張梳化都係，個櫃同好多文件都濕晒，最後連張梳化都丟咗！」
食環署發言人承認，自○二年至今曾接獲三宗投訴，認為滲水源頭或與街市公廁地面防水層老化有關，惟又不排除因街市樓上平台及外牆的裂痕所致。發言人雖拒絕確認責任誰屬，但強調為「提升有關設施整體質素」，當局已籌劃洗手間翻新工程，包括重鋪公廁地台及防水層，至於外牆裂痕則已要求屋宇署調查及跟進。
發言人又說，有關街市業權由政府以「財政司司長法團」名義擁有，強調食環署只負責街市日常管理，至於街市的內部維修則會由食環署負責委託建築署或外判商處理。
執法部門其身不正
「如果係私人物業滲水，一早就畀人告咗，政府物業滲水竟然拖咁耐都冇人理，真係好離譜！」立法會食物安全及環境衞生委員會委員王國興認為，食環署作為專責處理滲水問題的執法部門亦「其身不正」，做法極不負責任，「唔係業權擁有人都應該要負責，佢（食環署）始終係物業嘅佔用人，交畀建築署做維修只係分工問題，點都甩唔到身！」
立法會衞生事務委員會委員潘佩璆醫生則建議，食環署可使用「色水」等測試方式以判斷滲水源頭，「滲咗咁耐都處理唔到，真係好唔合理！點可以話搵唔到個源頭就唔去理？」潘又稱，倘滲漏源頭為糞渠，內裏所帶的病菌一旦散播，後果將不堪設想，對公眾衞生或構成嚴重影響，情況不容忽視。
記者：林松澧