黃毓民：（之前引述了孔子、孟子、康德、亞里士多德及柏拉圖）……林瑞麟搞替補方案搞到天怒人怨，你竟然夠膽喺任期最後幾個月委任一個咁嘅人，公然同香港人為敵，佢（曾蔭權）講政治倫理？佢係亂倫！佢係違反政治倫理、攪亂政治倫理，我依家要佢答，點解委任一個民望咁低嘅局長做政務司司長？
曾蔭權：無論係孔子、亞里士多德，或者係現在嘅政治家、現在嘅政治體制，都唔會容許講粗口、粗暴語言、粗暴動作，係呢個市民合適嘅政治倫理，就係咁簡單。
黃毓民：政治倫理呀特首，社會科學嚟架，你唔識可以同你上堂，我所講嘅係亞里士多德、孔夫子、柏拉圖、孟子，孟子兩千幾年前已經講過：「聞誅一夫紂矣，未聞弒君也！」你識唔識解呀，喺議會就粗暴，呢啲叫粗暴咩，有幾粗暴呀？議會暴力又係咪粗暴呀？政府行使暴力係咪粗暴？我依家問你問題，你冇答我，點解一個民望咁低嘅局長，你委任佢做政務司司長，公然與香港市民為敵，你解釋畀我聽呀？你無答我！
曾蔭權：呢家根本好似十足係「爛仔」所為，不但只粗暴。你睇吓，依家呢度唔係黑社會地方，黃先生，你到底發生咩事幹？
黃毓民：我依家問你，點解委任一個民望咁低嘅局長做政務司司長？你冇答呀嘛！（之後即被立法會主席曾鈺成驅逐離場）