政情：盧振雄做消防非志願

話說佢細個原本好鍾意生物化學，成日喺屋企同同學仔玩實驗，一心想做醫學化驗，點知政府請人要五條Ｃ，佢嗰陣得兩條，之後咁啱有街坊叫佢考消防，做緊房署文員嘅佢見老竇退休、兩個家姐嫁人，要擔起頭家，消防又幾好搵，衡量之後就入咗行嘞。入咗消防之後，撞啱當年政府開設高級隊長職位，陰差陽錯就畀佢成功做咗個高級隊長。到咗四十二歲，Uncle Lo爬到上高級區長個位，之後某日被處長叫佢入房，竟然直接同佢講「阿盧，我哋考慮提拔你做處長，你覺得點？」仕途上，總算順風順水。

不過，佢其他方面嘅運氣就差少少啦，佢太太早年試過小產，自己個鼻舊年又照到有陰影，肺又有小粒，希望佢退休後身體健康喇。