各界反應
許太（外傭僱主）請咗十幾年都係同一個外傭。如果法庭判咗外傭贏都唔會反對，外傭做咗咁多年應該畀番福利佢哋，唔會因為咁唔同外傭續約多過七年，佢哋做得好就可以。
李女士（外傭僱主）擔心外僱居港會分薄社會福利，因為外傭有居港權就可以申請公屋，香港人已經唔夠公屋住，再多一批人點得？我諗未來可能唔會與同一個外傭續約多過七年。
金Jay（菲傭）對裁決感到開心，因為有居港權唔一定要再做家傭，可以做其他人工高啲嘅工作。如果未來連續做夠七年都可能會申請居港權，搵份好啲嘅工。
Chickie（菲傭）喺香港做咗三年，對裁決感到開心，因為可以唔再做工時極長的家傭，但就算我夠年期都未必會申請居港權，因家人全部喺菲律賓，唔會離開佢哋自己喺香港住。
