「去旅行，我哋不嬲都係靠對眼，但原來仲可以有其他感受！」姚Sir表示，視障團友在遊歷新疆途中，除憑義工描述「享受」美景，亦會用他們的其他感官去了解當地風光，「例如佢哋會伸手去感受吓冰雹嘅大細，會去摸吓花，摸吓樹，聽唔同嘅聲音。」他坦言，團友的一舉一動令他明白到，原來用上聽覺、嗅覺、觸覺，更能體會一個地方的美，「我去聞吓啲松樹葉，真係好香，之前根本唔會咁做。」

義工阿仁則回想起與一位失明人士走入漆黑酒店房間的經歷，「我第一時間去搵燈掣，嗰度太黑，我唔敢行入去。」豈料對方竟繼續前進，欲往房內四處摸索，「佢同我講，佢哋根本就唔使開燈！」自此阿仁認真發掘視障人士的厲害之處，「透過呢個旅行團，可以理解另一個世界！」