疑似特首候選人唐英年同梁振英爭相辭職備選特首，令好多市民以至政界人士，都忘記咗煲呔曾將於兩個星期後發表任內最後一份施政報告。
尋日中大發表嘅一項民調顯示，有過半數市民對呢份施政報告全無期望，原因包括認定煲呔曾政府缺乏管治能力、本港嘅深層次矛盾無法喺短期內解決，以及煲呔曾只剩番九個月任期，估計佢會「Hea住做等收工」等，總之就當佢完全透明啦！
