電盈駁錯線 吳伯驚到瞓唔着
【本報訊】葵涌邨電訊盈科駁錯線，導致通訊大癱瘓。電盈前日表示線路已修復，服務全面恢復正常，但昨日仍有受影響住戶表示「未搞掂」，固網電話、上網及平安鐘仍然失靈。
飽受電話線「亂晒龍」之苦的葵涌邨逸葵樓、旭葵樓、雅葵樓、映葵樓及曉葵樓，部分用戶的電話服務昨日仍未恢復正常。
長年患病靠平安鐘救命的吳伯，拿起電話依然無訊號，滿面無奈，他指妻子上班期間，若果病發不適，無法使用平安鐘，條命「凍過水」，「梗係驚啦，屋企電話打唔通，平安鐘又用唔到，瞓都瞓唔到」。
街坊陳先生亦表示，連日無法聯絡親友，猶如與世隔絕，甚感不便。
部分固網仍未接通
本報記者昨日在葵涌邨現場所見，仍有多名工程人員於電話線分布站進行搶修。葵青區議員黃潤達表示，仍有部分住戶固網仍未接通，而今次事故影響約五百住戶，屬特大事故，將向電訊管理局投訴，促請徹查意外原因。