中環出更：BB叫「媽媽」陳晴甜入心

初為人母嘅聯合國兒童基金香港委員會主席陳晴，尋日出席群策學社活動，支持群策學社發表對下屆特首嘅期望同建議，陳晴喺活動後同卓妮大談湊仔經，當提到個囝囝識叫「媽媽」時，更加係甜到入心。陳晴嘅囝囝已經十個月大，每次陳晴講起囝囝就眉飛色舞，原來囝囝已經識講好多嘢。陳晴話，囝囝依家已經識叫「爸爸」同「媽媽」，連「OK」、「曳曳」等詞語都識講添，而最近陳晴仲親自帶囝囝參加幼兒活動，等囝囝可以同其他BB相處吓喎。