中環出更：郭炳湘戴Hublot名錶展朝氣

拍賣會競投扑錘

郭大少話，佢間中會去拍賣會睇吓靚嘢，早前見到隻錶就被深深吸引，事關顏色、設計同塑膠錶帶，搭配勁特別，所以就買嚟氹自己開心。講到興起，佢仲即時除隻錶畀卓妮睇真啲，態度好親民、和善。問佢使咗幾多錢競投？佢笑稱：「唔記得囉！」咁又係嘅，做人最緊要開心。

講開Hublot嘅Big Bang靚錶，係佢哋最受歡迎嘅經典錶款，大少嗰隻係四十一MM，鋼製錶圈由六粒H形螺絲鎖緊，加上朱古力色碳纖維錶面及橡膠錶帶，設計細節處處彰顯男性不拘小節嘅豪邁本色，難怪大少一見鍾情喇。