投訴：鬼祟棄用「熱狗」九巴曲線加價
酷熱天氣空調巴士固然受乘客歡迎，但在高通脹下，收價錢相宜舒適的非空調「熱狗」巴仍不乏捧場客。麥先生近日發現，行走將軍澳的93A及95M早前全線空調化，「原本只得四條線有熱狗，但五日內竟然唔見咗一半」，麥指93A全面空調的消息於實施前一日才於官方網頁通知乘客，「點解轉空調都咁鬼祟？」
九巴發言人表示，上述兩條路線轉為空調的消息均在生效日期前於九巴網頁公布，重申九巴提出換空調巴士數目前曾諮詢區議會及獲運輸署批准。
不過，西貢區區議會交通及運輸委員會主席陳國旗批評九巴諮詢不足，「所謂嘅諮詢根本唔夠深入同全面！」陳又質疑九巴藉將巴士路線空調「曲線加價」，「冬天根本唔使冷氣，有咩理由要乘客為咗一季嘅冷氣全年畀多三成車費？」另外，陳又表示曾收到長者投訴因「唔受得冷氣」以致未能乘搭冷氣巴，建議九巴購入窗戶可開啟之空調巴士，並於冬天暫停開放空調。