【本報訊】兩歲小童揸寶馬看似很威風，但有教車師傅形容該對父母根本拿兒子來「較飛」，一旦軚盤安全氣袋彈出，小童必受重創。有前法醫更提醒父母，汽車前座為整架車最危險位置，如非必要，勿讓小朋友坐於前座位置。
資深教車師傅尹錦安解釋，軚盤氣袋正常有保護司機作用，但氣袋要有適當距離才能完全開展及產生保護功效，若小朋友坐在軚盤與司機中間，氣袋彈出到擊中小朋友時也未能完全開展，不但失去保護司機作用，更隨時變成殺人武器：「氣袋衝力好大，咁近打中小朋友可能斷頸。」
曾為法醫的香港汽車高級駕駛協會主席蒙海強指，片段中男童駕駛的車輛為大馬力名廠車，以風油軚驅動，因此兒童也能輕易扭動軚盤，雖然油門當時由成人控制，但同樣危險：「如果司機因為分心照顧小朋友而錯踏油門，對車外嘅途人就直接構成危險。」
蒙海強補充，片中男童頭部對準氣袋位置，若不幸發生意外，小孩首當其衝，有斷頸之虞：「呢對父母低估咗危險性，甚至無知地以為呢個位係安全，其實係全架車中最危險位置！」