政情：陳奐仁自爆得一半聽力
音樂人陳奐仁（Hanjin）創作靈感源源不絕，但睇唔出佢原來聽覺只剩下一半，自細又要克服好多先天性嘅障礙，但佢冇放棄，先至取得今日嘅成就。Hanjin尋日做書展閉幕嘅壓軸嘉賓，佢將自己嘅故事講到好似歷險故事咁，氹到小朋友不知幾開心。
Hanjin係唱作俱佳嘅全能音樂人，一向有「新加坡音樂鬼才」稱譽，歌聲美妙不在話下，但估唔到佢小時候被老師批評佢唱歌唔好聽，又因為扁平足被勸說放棄運動，但係呢兩樣都係佢嘅至愛，點可以輕言放棄呢？於是佢加倍努力追求夢想，最終成為合唱團、游泳隊及國家欖球隊成員，後來更加喺樂壇上取得驕人成績添。