久違「人肉天眼」再現
【本報訊】酒樽空襲事件令行人專用區再度人心惶惶，住戶及商戶紛紛勾起鏹魔恐怖回憶，前晚警方在現場調查時，已有途人不斷查問：「係咪鏹魔呀？」警方在案發後匆匆加強保安，久違的「人肉天眼」又再出現於大廈天台，輪流派兩名警員進行高空監視。
女檔主：梗係驚啦
在附近大廈樓梯口賣龍鬚糖的女檔主表示，事發時已收檔，昨日開檔才知道有啤酒樽空襲，擔心再發生同類事件，坦言：「梗係驚啦，成個啤酒樽跌落嚟喎，仲係檔口對出添！」另有化妝品店職員稱，當時見在場的警察大為緊張，以為又有人擲鏹水彈，雖然事後知道是酒樽，但都「分分鐘死人」，近日均會在有簷篷的地方出入，以免中招。
另有街坊指出，事發時，警方長期派駐以監控擲鏹水彈狂徒的指揮車亦停泊在現場附近，但竟然還有啤酒樽空襲，分明挑戰警方，同時令人感覺「警察喺度都冇用！」有網民則諷刺：「搞咁耐都拉唔到人，又係不了了之，啲差佬淨係識泊架車喺度做下樣，遲早肯定又出事！」