中環出更：政治時間錦囊出土
一九九七年回歸前一星期，當時嘅立法局議員將五十幾件物品放喺一個長桶形嘅時間錦囊入面，被埋在立法局停車場地下十四年後，尋日錦囊出土，其中民主黨李華明「十年樓價升多少」嘅錦囊，載有當年兩份「睇樓雜誌」就最應景。阿Fred揭開份雜誌，發現九七年嘅樓價，依家嚟講可謂「平通街」，例如太古城呎價七千八蚊左右，依家幾乎全都要成萬蚊。
至於今年初已去世嘅司徒華，就將九七年平反六四嘅動議辯論逐字紀錄本，放入時間錦囊，當年平反六四的動議罕有獲得通過。民主黨何俊仁慨嘆，華叔離世後，獲通過的六四動議「出土」，但六四至今仍未平反。
