曾懷孖胎高血壓 激發科研心
【本報訊】研發DNA測序技術令全球孕婦受惠，育有一對孖女的女青年科學家趙慧君，卻對未能透過分析DNA一早得知自己懷有孖胎，她坦言，感到很諷刺。
趙慧君九九年從澳洲留學回港，加入中大化學病理學系成為盧煜明門下，展開她的科研夢。她說，盧教授不但教她科研方法，更傳授科研應有的態度，「做唔到唔緊要，最緊要唔好錯，做數據時要小心，做錯總結會誤導市民、誤導全世界科學家！」十二年來，她卻有更深體會，「話明Research（研究）即係不停地（Re-）咁探求（search）……我覺得最後證實研究係錯，唔緊要，對世界來說都係一種新知識，都有貢獻吖！」
感謝師傅 盼早啲幫到人
趙坦言，獲得國際科研獎為她打下強心針，除要感謝師傅，還有家人的體諒。記得○五年懷了身孕，卻不知懷着孖胎，她明知懷孖胎孕婦最易患上妊娠高血壓，結果真的中招，住院兩星期以來上壓維持在二百，又有蛋白尿，全身也變得浮腫，腳更腫如象腿，終日難以入睡。
她指，目前醫學上對妊娠高血壓束手無策，如不小心處理，會影響母體機能甚至死胎，唯一是盡快讓孕婦剖腹產子後便痊愈，但要平衡早產衍生問題，「希望早啲研發（DNA測序）成功，早啲幫到人！」