【本報訊】事件男主角陳家偉昨日整日未有露面，足不出戶。而曾被他「訪談」過的鳳姐「婷婷」，昨在香檳大廈如常營業，開門現身時見她樣子索爆，身材出眾，惟不願談及陳家偉，並着記者離去。至於有嫖客則踢爆陳家偉講大話，不諱言：「佢入咗間房冇耐，出面已經聽到叫床聲傳出嚟啦！」
本報記者昨晨到陳家偉位於藍田康柏苑寓所追訪，按大廈對講機聯絡陳宅單位，惟接聽的女子被問及陳在不在時，聲稱：「呢度冇陳生！」然後截斷通話。約三小時後，記者再按對講機，已再無人回應。記者亦曾致電陳的手機，亦沒有人接聽，留言後未獲回覆。消息人士透露，陳家偉一直在寓所內，沒有離開，曾有親友上門探望。
記者昨重返香檳大廈鳳姐「婷婷」的架步，欲訪問「訪談」一事，她聞門鐘聲開門，身穿一襲半透明睡衣，笑面迎人，看上去年約廿歲，蓄一把長長秀髮，身高約五呎三吋，皮膚白 ，瓜子口面，樣靚聲甜。「可唔可以傾幾句？」記者表明身份及來意，但她說：「唔好意思，你出番去啦！」記者問她「陳家偉係咪熟客？」她依然說：「你出番去啦！」並輕推記者出房後關門。附近鳳姐均表示不認識「婷婷」，沒有來往。
至於目擊事件的鳳樓嫖客，昨閱畢本報獨家報道後直指陳家偉講大話，他憶述：「見到陳家偉原本先去『婷婷』對面個鳳姐房間按鐘，不過睇咗辦後唔啱，先轉身按『婷婷』門，睇咗一陣就入房！冇幾耐，『婷婷』將房門嘅『稍候片刻』掛上。」他坦言：「陳家偉肯定講大話，佢入咗去十幾分鐘，出面已經聽到叫床聲，你知啦，嗰啲房啲牆咁薄，大聲啲都聽到啦！」
他又稱：「我知道佢係民主黨，曾經係區議員，以前成日見佢企喺司徒華身邊，不過唔知佢係民主黨嘅總幹事，睇報紙先知。」他指陳家偉「作為政治人物，做嘢要負責嘅！」他不諱言自己在上址尋歡，並說：「我係呀！但係我冇老婆，我唔使同任何人負責任，佢同人結婚嗰陣要宣誓o架！」另有讀者爆料稱，○九年曾在尖沙咀麼地道與灣仔駱克道街頭，見過有人疑與「媽媽生」講價。