IT豪尋日向傳媒透露，回歸後曾同時任財政司司長嘅煲呔曾，傾過要重視創新科技，但對方竟然話創新科技短期冇成效，所以唔想大搞。之後佢又同時任工商及科技局局長嘅唐唐傾過搞創新科技，希望政府投資，但唐唐就話創新科技佔本地生產總值僅幾個百分點，細到唔值得投資。IT豪狠批兩人無前瞻性，會趁來年嘅特首選舉，集結一百個支持成立創科局嘅特首選委會成員，要求特首候選人表態，總之邊個支持成立創科局，就投邊個。
IT豪又話，香港搞創新科技絕對可以超越內地，包括專攻互聯網，同投資喺意識大膽、內地唔敢搞嘅題材。例如早前港產3D艷情片遭內地禁絕，就應多啲搞。