中環出更：尹德勝影上癮作品參展
近年迷上玩相機嘅前中華廠商聯合會會長尹德勝，影相愈來愈有心得，嚟緊八月中旬，香港沙龍攝影學會喺銅鑼灣中央圖書館舉辦攝影展，佢嘅作品有機會喺展覽中亮相。尹德勝已提交多幅作品畀大會，包括有人像、風景相等，待大會揀選合適作品參展，到時大家不妨去睇吓，話唔定有驚喜。
尹德勝特登攞出兩張有機會展出嘅靚相，等大家先睹為快。佢話，自己愈來愈鍾意影相，無論旅行或商務訪問，都會帶備全副攝影架生去捕捉美麗一刻。最近佢啱啱去咗張家界，影咗好多靚相，下半年將會去寧夏，期待可以影多啲寧夏少數民族嘅風采喎。
