政情：高達促林鄭拆僭勿偏私

發展局局長林鄭月娥尋日同鄉議局討論村屋僭建問題，會後得出共識係細過樓層面積一半嘅玻璃屋可以保留，只要登記同證明安全就得喇，變相特赦村屋僭建。一直關注事件嘅立法會議員李永達（高達），警告林鄭執法要一視同仁，唔好令市民誤會政府偏私優待新界村屋，佢仲批評喺事件曝光後，政府執法放軟手腳，狠批屋宇署疏忽職守。睇嚟村屋僭建問題都唔係咁易擺得平。