陳細潔做足功課免受騙
【本報訊】曾豪擲百萬投資酒花期貨合約的名人陳細潔，雖然未有捲入今次的事件，但她強調每次投資酒花必會事前做足功課：「如果間經紀公司倒閉就乜都無，所以一定要上網做好多資料搜集，唔係話有錢買就得！」而她投資酒花時一定會選擇信譽良好及歷史悠久的大公司，並且把資金分散投資到不同公司，即使其中一間經紀公司出事，亦不會有太嚴重的損失。雖然投資酒花時會與紅酒公司簽訂文件，但她指這只不過是「一張紙」，雖具法律效用，但只限在該公司倒閉前：「如果間公司執咗，乜文件都無法律效用，間公司要還債都唔會還到我哋！」
黃宗澤親力親為不經代理
而曾買酒花獲利的藝人黃宗澤，則會選擇以私人名義到法國酒莊買酒作為投資，並會選擇較出名及歷史悠久的酒莊入貨，而不會透過代理或經紀公司購買酒花：「我自己飛去法國入貨，如果買酒花，都會揀大公司。自己入貨唔經代理，唔怕損失！」
大新保險負責人潘榮輝提醒，因為投資風險太高，故一般保險不會保障「炒酒花」：「炒紅酒呢樣嘢喺香港剛剛起步，真係好難保障到，所以一般巿面上嘅保險公司唔會做！」他指出保險只會保天災，而紅酒公司結業可能是因為財政狀況，屬人為事故，故不會有保險公司承保。
法律界人士黃國桐表示，雖然買家投資酒花時曾與酒公司簽訂合約，但實際上較難追討：「雖然文件有法律效用，但若果間公司唔喺度，點去追討損失，一定好難追到錢！」