政情：曾憲梓憂僭建令社會不穩

僭建風暴席捲全城，前人大常委曾憲梓尋日話，僭建問題涉及各階層，無論係商界抑或勞工都有呢個問題，認為港府必須非常小心處理，唔可以畀僭建問題搞到社會不穩喎。港府固然要審慎處理呢個炸彈，之不過家陣被踢爆違規僭建嘅不少都係問責高官，就連身為特區之首嘅煲呔曾都知法犯法，睇嚟佢哋先係搞到社會不穩嘅真兇喎。