建制派陣營嘅各路疑似特首候選人，近日逐漸浮上水面，反觀泛民主派對參選特首與否仍然舉棋不定，其實心裏面恨派人參選恨到出汁嘅民主黨，礙於黨內有兩種聲音，尋日就特登開會讓各方抒發己見，結果傾完嘅主流意見都係想派人參選。
支持參選嘅黨副主席「雞」單仲偕話，主流意見都係傾向參選，但當然要同其他泛民黨派協調，若然真係由白鴿黨派人應戰，都要交由黨大會表決作實。雞話，支持參選不外乎要寸土必爭、唔能夠再好似○七年嗰次咁被動。有與會者建議，參選特首同時應該結合民主運動，譬如同其他候選人比併政綱、全民參與。
至於十分關鍵嘅人選問題，雞無講實，但人所共知、呼之欲出嘅當然係黨主席何俊仁啦，雞只係話相信何俊仁會以黨嘅決定為依歸。
雞」單仲偕話，主流意見都係傾向參選，但當然要同其他泛民黨派協調，若然真係由白鴿黨派人應戰，都要交由黨大會表決作實。