政情：鄉局大樓手工差鄉紳火滾

有鄉議局中人話，有關新大樓嘅工程及費用問題，理應先由林偉強領導嘅「鄉議局新大樓建築工程專責委員會」處理咗先，再交執委會表決通過，但有人成日唔開會，次次掟筆數上執委會就話要班鄉紳通過，最慘係新大樓內部裝修某啲地方手工認真差，結果搞到大家條氣好唔順。

發叔避嫌唔參與

鄉議局主席劉皇發尋日承認，新大樓內部某啲地方嘅質料同手工都有問題，其中以簷篷為甚，落雨都唔知點算。發叔仲話，某啲執委的確好唔滿意，但為咗避嫌，佢一向唔參與工程及費用，所以今次仍然會留畀專責委員會處理番喎。鄉議局下月初換屆，按目前形勢，睇嚟林偉強連任真係危危乎。