投訴：裕民坊花園未禁煙難頂
為配合禁煙條例，康樂及文化事務署轄下大部分場地已被列為禁煙區。不過，李先生卻發現觀塘裕民坊休憩花園內未有禁煙，「成個公園都煙霧瀰漫，點解個公園都食得煙，坐一陣都好辛苦！」
康文署發言人表示，根據現行準則，凡規模較小的場地，會依地區需要及實際情況定為全面禁煙或劃分可吸煙地方。由於上址屬小型場地，加上位於舊區，有較多吸煙者聚集，故定為可吸煙場地。
「之前一直講全面禁煙，所以好多人都唔知原來仲有細公園冇禁煙！」當區區議員陳華裕認為康文署應檢討分類，劃一設定成全面禁煙或設有吸煙區的場地，除方便管理之餘，亦可免令市民混淆。