道路路面凹凸不平，路政署久未維修令市民履險。大埔居民莫小姐早前行經市中心安祥路一帶，期間疑未有留意馬路地面凹凸不平而遭絆倒，「嗰度係市中心，日日都咁多人經過，我咁後生都跌親，老人家點算？」莫不滿路政署疏於檢查，令市民安全欠缺保障。
路政署發言人表示，接獲本報轉介後已派員實地視察，經檢查後證實上述路段地面呈現不平，並已指示承建商安排重鋪。
大埔區議員關永業直指上址屬區內人流最旺地帶，馬路地面損耗速度遠較路政署保養密度為高，「嗰度人多車又多，路面磨蝕得好快，但路政署通常只會喺落完大雨先大修一次，真係唔夠！」
關永業建議當局須加強檢查繁忙地區路面，即使並不明顯的磨蝕亦需盡快處理，避免再有市民無辜受傷。