探射燈：覆蓋率不比模擬廣播好
「數碼電視冇雪花、冇鬼影、畫面好好多哩？」數碼廣播推行之初，政府標榜的就是透過轉用數碼廣播，全面提升本港廣播質素及覆蓋範圍。但數碼廣播相對傳統模擬廣播，是否必定佔優呢？數碼廣播能否徹底解決模擬廣播的問題呢？
香港專業教育學院（屯門）資訊及通訊科技系系主任梁秉雄指出，數碼廣播相對傳統模擬廣播，最主要的優點在於頻寬較大，畫面質素會有一定提升，而頻道數目亦較多。然而他指出「質素同埋接收係兩件事」，數碼廣播的覆蓋範圍並不比模擬廣播大，「以前收唔到模擬訊號，都未必會收到數碼訊號」，要提升覆蓋率，依然要加裝發射站或接收器。
接收不良 畫面有缺陷
梁續指，雖然數碼廣播號稱「冇雪花，冇鬼影」，但接收不良的話，畫面一樣會出現缺陷，「接收唔好嘅時候，會窒吓窒吓，有啲會無咗個畫面，有啲就會起格仔，視乎個解碼器。」
另外，梁亦表示，因為數碼廣播的畫面及聲音將會分開傳送，所以有機會出現「聲音同口形唔夾」的情況。不過，梁秉雄又認為，改用數碼廣播已經是大勢所趨，「始終整體質素係會好啲嘅！」