最低工資已實施超過一星期，勞工及福利局局長張建宗尋日話，勞工處設立嘅電話熱線平均每日收到約一千個查詢，當中有一宗投訴，又話實施情況平穩，當局會密切關注情況。不過，工聯會副會長陳婉嫻就喺另一場合話，最低工資實施初期，收到電話查詢及求助屬正常情況，但佢批評勞工處宣傳不足，認為政府應該加派人手到人流較多嘅地方，直接解答市民查詢。
