政情：李嘉誠加推集思公益

李嘉誠話，「寬宏慷慨嘅精神特別能夠彰顯一個社區嘅內蘊，創意萌生，互勉共建香港，呢種努力實在係好有意思。」

第一回合獲選項目好有創意亦好有意思，好似醫院棟篤笑同為獨居長者拍下美麗一刻等，大部分項目已經順利展開。第二回合嘅要求同上次一樣，都係接受學生、個人、教育同公益機構申請，申請人可以用文字或者多媒體形式介紹佢哋嘅創意愛心項目，今日起至呢個月十六日透過網站www.loveideas.hk提交申請，而巿民之後可以登入網站投選認為最具意義嘅項目，獲選項目可以得到最高卅萬嘅資助推行計劃。

值得一提嘅係，第二回合嘅計劃以一系列集體回憶手繪圖畫做宣傳，精緻嘅畫工配以令人感到親切嘅內容，一定可以激發澎湃嘅創意。