政情：平衡各方利益張建宗自滿

最低工資終於喺一片爭議聲中正式出台，勞工及福利局局長張建宗尋日就話，處理最低工資呢個議題，令佢頓時好似做咗個運動員咁，事關佢要日夜玩「單槓平衡木」，喺各方面都要好好平衡各方利益喎。查實最低工資至今仍有好多問題未解決，包括員工有薪休息日同飯鐘錢嘅安排，張建宗都唔肯正面回應，交晒畀勞資雙方互相廝殺，似乎佢耍太極叻過玩平衡木喎。