政情：本港酒店因「禍」得福
日本核輻射逐步影響香港，雖然從事日本食品及電子產品行業叫苦連天，但亦有個別行業因此而受惠。遠東集團創辦人邱德根孫女邱詠筠（Winnie）及富豪酒店太子女羅寶文，兩人嘅家族旗下酒店近日入住率創新高，財源滾滾來，但令佢哋嘅工作量加大咗幾倍，好彩佢哋都係事業型女性，平時訓練有素，工作多啲嚟密啲手。
Winnie早幾日出席香港管弦樂團籌款活動時話，礙於日本部分地區受地震及輻射影響，好多跨國大公司為安全起見，都將基地搬來香港，所以本港酒店因而受惠。好似佢哋邱家旗下八間酒店房間已經爆滿，所以佢哋計劃年底落成嘅兩間新酒店都要加快興建。
至於寶文就話好多原本去日本開會嘅商務客都轉到香港舉行會議，加上又有空中服務員來港候命，帶挈佢哋全線六間酒店房間供應緊張，就算有房都貴咗幾成租金，而且普遍客人鍾意幫襯酒店內餐廳，所以工作量增加不少。