政情：平叔暗示鬍鬚曾劫數難逃

港府為保財政司司長鬍鬚曾，要求建制派傾巢而出，阻截泛民喺本月底提出對佢不信任動議，十足十小學生，尋日就畀「庸官殺手」王永平喺電台喪鬧，炮轟鬍鬚曾「不辯而逃」，面對一定唔會通過嘅不信任動議都冇膽面對挑戰。平叔又好似神算批命咁，話雖然鬍鬚曾辭職嘅最佳時機已過，但話唔定等佢執埋預算案啲蘇州屎後，到七月風平浪靜時先嚟辭職，暗示鬍鬚曾遲早劫數難逃。