謝廷駿母狠批立會主席
【本報訊】「菲律賓那邊都無回覆，真係令人好憤怒，人喺嗰邊死，成件事過程全世界都睇到，佢哋點可以唔派人嚟？」在「8．23慘案」中殉職的領隊謝廷駿，其母親李美珍昨指摘菲律賓政府「根本無將港人性命放喺眼內」；她又批評立法會主席曾鈺成否決促請菲政府派證人來港的緊急動議，「憤怒得淚水也流出來」。此外，警方今日下午將派人前赴菲律賓，為槍手門多薩弟弟越洋作供做準備。
促中央交涉
李美珍昨在電台節目中譴責菲律賓政府處事馬虎，「佢哋連槍手嘅DNA都無畀香港，我喺死因庭仲聽到生還團友話，見到你（謝廷駿）畀人抬出車之後，就被丟埋一邊，沒人急救沒人理，一直被雨淋，我哭到個心好痛，好多人叫我唔好去旁聽，但我唔想逃避。」
李美珍公開要求港府及中央政府伸出援手，向菲交涉，要求立即派證人來港作供，提供更多資料，承擔應有責任。她又批評曾鈺成否決有關的緊急動議，「我唔明，點解在香港，竟然有人睇着一群港人在異地慘死之後，仲可以對我哋要討回公道嘅決心扔石頭。」
不過，李美珍未有因此洩氣，她表示，因過世的兒子生前曾經說過「甚麼都可以輸，鬥志唔可以輸」，故仍有決心要為兒子及其他慘死團友討回公道，「無論如何，尋求真相呢條路都會走下去！」