在日本工作了七、八年的阿翠，前日地震過後，因東京陸路交通接近癱瘓，故她被迫在新僑的辦公室內度宿一宵。她昨早趁未天亮便前往乘坐鐵路返家，平日一小時的回家路途，昨早要花上近四小時才完成。「尋晚（前晚）響公司過夜時間好似過得特別慢，諗番地震發生的一刻，感覺好唔真實，因為從來都無諗過自己會經歷咁嚴重嘅地震，真係好驚，原來生存唔係必然的。」
雖然昨日東京市面已大致回復平靜，但阿翠卻見到很多人出外時都戴上頭盔，超市內的米糧、杯麵及熟食亦幾乎被搶購一空。她在電視中看到，有日本地震專家指，未來一年當地仍會陸續有餘震，令她開始想提早在今年回流香港，「今次東京唔係重災區都亂成咁，日後如果真係發生大地震點算？原本諗住下年返香港搵工，呢件事之後令我好掛住屋企，覺得始終香港最好、最安全，所以會計劃早啲返（香港）。」