教育局局長孫明揚近排為學校縮班問題受盡千夫所指，如何拆彈，好考孫公功力。作為孫公背後女人嘅孫太鍾小芬，對孫公嘅工作煩事已見怪不怪，仲好悠閒搵節目。早前有晚七點鐘晚飯時間，卓妮就見孫太帶住囡囡同孫仔，由銅鑼灣時代廣場行去利舞台搵食肆開餐，但就唔見孫公蹤影。不過，孫太沿路拖到孫仔實一實，睇怕孫公可以專心工作喇！
卓妮
