【本報訊】水務署閂水掣歎慢板及安排混亂，遭各界狠批。灣仔區議員麥國風怒斥水務署反應太慢：「爆一條水喉要六個鐘先閂到水掣！」並質疑水務署「有殺錯冇放過」，連閂廿個水掣，導致斷水範圍擴大。他又斥該署水車不足，大半日仍未恢復供水，簡直離譜，不諱言：「水務署真係要鞭撻！」
立法會議員陳淑莊稱，去年灣仔告士打道爆水管已經「大鑊」，今次比上次更嚴重，水務署要認真檢討。食水對居民及各行業都極重要，反應及行動不能慢，今次該署明顯反應緩慢，需為今次大混亂作出交代，並加快更換及修復水管計劃。
香港工程師學會高級副會長陳福祥認為，所有喉管水掣都有記錄，相信水務署要找出水掣位置不難，不明白該署花上長時間才閂水掣。他又指，爆裂水管屬主要喉管，不但分支多，更與其他喉管互通，不似電網般，只要閂上頭尾兩個掣即可切斷電源，故為免有水倒流影響維修，須閂上與該水管接通的所有喉管水掣才可。