探射燈：檢查時數無指引成死症

「合約平 求其啲檢查」

香港職業訓練局卓越培訓發展中心（電機業）總教導員黃啟漢表示，法例規定大廈業主必須至少四星期內，安排承建商檢查升降機一次，但其實並無詳細指引，列明每次保養檢查的時間長短。他指出，現時不少公司都無提供合理檢查時數，「工程合約平，師傅多嘢做時，check都求其啲，本身要兩個鐘完成，佢哋一個鐘就搞掂。」他認為會很難確保是否已完成整個檢驗程序。

「香港驗標準符合國際水平，但係香港嘅使用頻密程度高，樓層又高過其他城市，檢驗程序更加要仔細啲，每次驗時數要提高。」黃啟漢建議政府應加強教育業主，招標時不應只價低者得，須考慮公司的質素及師傅經驗。