400人排長龍 電腦節掃筍貨
【本報訊】「雙胞電腦節」昨正式開戰。深水埗電腦商場昨起搶先舉辦一連八日的深水埗腦場電腦節，早上十時活動開始前已吸引四百人冒九度寒冷天氣在門外排隊，等候大會派籌換購折扣限量電腦產品。排頭位的「廿四孝爸爸」身患感冒也要凌晨二時到場，打算花二千多元為愛女添置手提電腦。有入場市民笑稱，「銀彈」用盡後便不考慮到本月十八日舉行的香港電腦節入貨。
深水埗腦場電腦節昨在高登、新高登及黃金電腦商場展開，推出廿件當日限量貨品，一蚊4G手指最受市民歡迎。現場派出美少女為輪籌市民送上熱飲，又有財神大派最高五百元現金券。
廿四孝爸爸排頭位
排頭位的鍾先生家住馬鞍山，他穿厚衣、戴口罩，凌晨二時到場冒寒風輪籌，打算買一蚊手指及二千五百元的手提電腦，到場後才知只可選購一件限量產品：「惟有買咗電腦先啦！不過返去實畀人鬧！哈！」就讀副學士的鄺同學自封「壞學生」，專誠「走堂」來買二百元的外置硬盤；花一千四百元購下顯示屏的關先生則買得理智，揚言買夠後不會到十八日舉行的電腦節：「子彈得一粒，睇準先射啦！」
商戶亦喜見場內人頭湧湧。正都電腦中心經理布先生預料展期的人流及生意額較平日激增五成。售砌機服務的吳先生則指，不少顧客被人流逼走，令銷售有難度。
香港電腦業協會發言人呂健忠預料，展期內可吸引六十萬人次入場，較去年同期增一成，生意額較以往增二至三倍，人均消費二千至三千元，今日將再推廿二份限量產品益市民。
