街坊：佢平時斯斯文文 漫畫男突變色情狂
【本報訊】「光豬男」於光天化日之下企圖強暴女途人，令街坊為之側目，亦叫街坊百思不得其解。許多與「光豬男」相熟的街坊，昨事後仍不敢相信自己的眼睛，不停地問：「睇佢平時斯斯文文，鹹濕笑話都唔講一個，點會突然變成咁？」
挺身勇救女途人的餐廳負責人盧先生表示，姓譚的「光豬男」在附近一間海鮮飯店工作，幾乎每天下午三時許落場時間，他都會與同事到其餐廳飲茶「打牙骹」，譚舉止很正常，並不顯得好色，只是愛看武俠漫畫而已。對於譚昨日的行為，他深感訝異。
午膳繁忙時間 同事不察怪行
另外，協助制服「光豬男」的洗衣舖送貨工人陳先生謂，譚未撳低老婦企圖強姦前，已見到他「光脫脫」徘徊，當時他因工作關係未有理會，也無報警。「當時睇佢目光呆滯，雙眼無神，下體又冇勃起，點睇都唔似會當街強姦人。」但當他送完一轉貨後，再次坐於客貨車等候開工時，竟然聽到有人大叫救命，下車查看，赫見譚趴在老婦身上，正強拉下老婦的褲，他立即上前拉開對方。
而昨日事後譚的同事如常到餐廳飲茶吹水，惟大家對事件避而不談。據悉，事前無人與譚發生爭吵，而且當時正值午膳繁忙時間，大家亦無注意到他離開廚房。另外，據悉譚前額留有一條橫向的長長疤痕，像是做手術留下，但暫未知他是否曾接受過腦部手術。